Argia agerkariaren arabera, hiru andre lirateke orain arte Uribe Kostako bikarioa izan den Egoitz Arruzaren biktimak, adindunak, eta Euskalerriko Eskautak Bizkaia mugimenduko kideak. Abusuak 2015, 2016 eta 2017an izan ziren, eta urte horietan talde horren konsiliarioa zen ustezko erasotzailea, hau da, gazte katolikoakaz aisialdia eta hezkuntza lantzen dituen erakunde katolikoaren arduradun nagusia. Iazko udazkenean utzi zion eskaut mugimenduan parte hartzeari.
Gaur arte Bilboko Elizbarrutiko Uribeko bikariotzako burua eta Gotzain Kontseiluko kide izan da. Elizbarrutiak astelehenean publiko egin zituen ustezko erasotzaileari salaketa ipini diotela. Bizkaiko eskaut mugimenduak babesa agertu zien biktimei eta euren familiei. Antzeko beste kasurik balego jakinarazteko eskatu zieten gainerako kideei.
Euskalerriko Eskauten mugimenduak duela hilabete izan zuen abade batek aisialdiko heziketen testuinguruan izandako ustezko "portaera sexual desegoki" batzuen berri. Bilboko Gotzain nagusia den Mario Izeta ipini zuten kasuaren arduradun, eta Elizbarrutiari ikerketa abiarazteko eskatu zion. Astelehenean eman zuten gertakarien berri, eta kasua Bizkaiko Fiskaltzaren esku geratu dela jakinarazi zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
