Ekonomia  Uribe Kosta 2018-12-20 16:37

Publizitate-saltzailea behar dugu HIRUKAn lan egiteko

HIRUKA komunikazio-taldeak publizitate-saltzailea behar du urtarril erditik aurrera lanean hasteko, lanaldi osoan. Hautagaiek hirukakoop@hiruka.eus helbidera bidali beharko dute curriculuma, urtarrilaren 5a baino lehen.

Hautatutako pertsonak gure komunikabideak dituen hiru euskarrietarako publizitatearen ardura izango du. Eskualdeko komertzio eta enpresen beharrak aztertuta, publizitate-eskaintza egokitu eta bateragarriak eskainiko dizkie. Eskualdeko komertzio eta enpresa berriak detektatu eta horiekaz harremanean jarriko da publizitate-eskaintzak egiteko. Bezeroei aukerarik onenak eskainiko dizkie, sektorea, urteko garaia eta lehiakideei aurre egiteko aukerak kontuan hartuta, besteak beste. Diseinu-lanetan ere laguntza eskainiko die bezeroei. Gainera, urteko publizitate-planifikazioa burutu beharko du.

Euskal Herriko beste tokiko hedabideakaz batera publizitate-arloa jorratu, adostu eta gure hedabideetara egokitu beharko du.

Baldintzak

Eskatzen dugu:

  • Lan komertzialean eskarmentua izatea
  • Uribe Kosta komertzialki ezagutzea
  • Euskalduna izatea eta gazteleraz ondo moldatzea
  • Komunikazio-gaitasuna, ahozkoa zein idatzizkoa
  • Harremanetarako gaitasuna eta izaera dinamikoa
  • Autoa eta gidabaimena izatea
  • Photoshop eta Indesign ezagutzea

Baloratuko dugu:

  • Diseinuaren eta iragarkien mundua ezagutzea

Eskaintzen dugu:

  • Gure proiektuan parte hartzeko aukera, bazkide moduan
  • Lanaldi osoko jardunaldia

Lekua: Getxo

Enpresa: HIRUKA Komunikazio Taldea

Lan-mota: Jardunaldi osoa

Soldata: 20.000-25.000

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa