Aitzitik, poztasun-zantzurik ez genuen sumatu Gara-ren arduradunek egunkariaren urteurrenean egindako agerraldian: erredakzioa hutsik eta erdi ilunpean zegoela, datozen urteotan hiru milioi eurotik gora ordaintzera derrigortuta daudela azaldu zuten, zer eta Espainiako justiziak berak legez kanpokotzat jotako EGIN egunkariaren itxieraren ondorioak ordaintzeko.
Lerro xume hauen bidez, HIRUKAk eta Euskal Herri osoko 66 toki-komunikabide batzen dituen TOKIKOMek Gara-ri ezarritako zor horren bidegabekeria publikoki salatu gura dugu, komunikazio-proiektuaren bideragarritasuna kolokan ipiniz prentsa-askatasuna eta aniztasuna ere kaltetzen dituelako, eta elkartasuna adierazi gura diogu Gara-ren lantalde osoari. Toki-komunikabideetan oso jabe gara prentsa-aniztasunak duen garrantziaz, eta haren alde diharduenak ondoan izango gaitu.
Joan den eguaztenak egun alaia izan behar zuen Gara egunkariko lankideentzat. Hogei urte bete ziren lehenengo zenbakia argitaratu zutenetik, eta ospatzeko moduko lorpen handia da hori, batez ere komunikabideok bizi dugun aro zail honetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun