Argia-ko kazetari Lander Arbelaitz salatu dute bi ertzainek, maiatzaren 21ean hizkuntza-urraketa baten gainean informatzeagatik.
“Irainak” egotzita, bide penaletik ipini diote salaketa Lander Arbelaitzi, eta martxoaren 20an deklaratu beharko du Donostiako epaitegian, Argiak adierazi duenez. Kazetariak bideoan grabatu zuen nola urratu zizkioten pertsona bati hizkuntza eskubideak, eta sareratu egin zuen.
Lerro hauen bitartez, HIRUKAko langileok elkartasuna adierazi gura diogu Lander Arbelaitz eta Argia-ko lantalde osoari. Informatzea eta kazetaritza egitea ez dira delitua.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
