Mundua jakin-min sozial eta ikuspuntu feministatik begiratzen duten pertsonentzako argazki-lehiaketa

Argazkiak martxoaren 15a baino lehen bidali behar dira Entreamigos-Lagun Artean erakundearen posta elektronikora. Epaimahaiak martxoaren 28an argitaratuko du erabakia.

Entreamigos-Lagun Artean Gobernuz Kanpoko Erakundeak "Gu Geu" argazki lehiaketa antolatu du, emakumeen eguneroko borrokak, erresistentzia alternatibak edota egunerokotasuneko egoerak jakin-min sozial eta ikuspuntu feministatik ezagutaraztea helburu.

Erakundeak azaldu duenez, emakume borrokalarien sentimenduak esnatzen dituzten argazkiak jaso nahi dituzte, euren kezkak edo mobilizatzeko dituzten arrazoiak jasotzen dituztenak, eta munduarekiko duten ikusmoldea ezagutarazten dutenak.

Argazkiagaz batera, gehienez 250 karaktereko idatzi bat aurkeztu beharra dago, irudian agertzen den gaia azaltzeko, eta horren gaineko hausnarketa egiteko. Parte-hartzeko bestelako baldintzak GKEren facebook orrialdean daude argitaratuta.  

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun