Bizkaiko Bertsozale Elkartea da ekimenaren bultzatzailea. 2017an egin zuten lehen edizioa, eta bigarrena martxan da daborduko. Guztira 21 taldek eman dute izena, eta 200 bertsolari inguruk hartuko du parte txapelketan.
Oinarria indartzea helburu eta eraginkortasuna handitu guran antolatu du proiektua elkarteak. “Bizkaiko eskualdetan bertso-mugimendua piztea dugu helburu. Batez ere, gazteei zuzendutako txapelketa da, aukera gehiago izan ditzaten”, esan digu Beñat Vidal ALBEko kideak.
Hiru fasetan jokatuko da; finala, maiatzaren 25ean izango da. Uribe Kostari dagokionez, lehenengo fasean bi saio egingo dituzte. Algortan lehenengoa, otsailaren 24an, domekan. 17:00etan Patxeko tabernan hasi, 18:00etan Villamonte tabernatik igaro, eta 18:00etan amaituko da Sanikon. Bigarrena, Leioan antolatu dute, martxoaren 1ean. Oraindik tokia eta ordutegia zehazteke dago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
