Leioako Mendibile Jauregiak azaldu du aurtengo edizioko gaia librea dela, halaber, esan du epaimahaiak positiboki baloratuko duela kontuan hartzea Bizkaiko Txakoli Etxea eraikinaren ezaugarriak. Izena emateko irizpide bakarra EHUko Arte Ederreko Graduan matrikulatuta egotea da. Dena den, duela hamar urte baino gutxiagoko denbora-tartean fakultatean egon direnek ere badute aukera izena emateko. Martxoaren 8a da azken eguna.
Irabazleak 3.000 euro jaso ez ezik, horma-irudiaren obraren gauzatze-teknikoaren zuzendaritza ere egingo du. Martxoaren 15ean emango dute jakitera horma-irudi onenaren egilearen izena, Mendibile Jauregian bertan, 13:00etan. Aurreko bi edizioak Aritz Muguerzak irabazi ditu, “Mahatsa Bizirik” eta “Bizkaiko Urre Koloreko Sekretua” lanekin.