Zinegoak Gaylesbitrans jaialdiaren filmak Uribe Kostan ikusbide aste honetatik aurrera

Erredakzioa 2019ko mar. 11a, 13:55
Deskargatu Info Ahotsak :
Español English Français Català Galego

© ZINEGOAK

Zinegoak, Bilboko Gaylesbitrans Zinema eta Arte Eszenikoen jaialdia, Araba, Bizkai eta Gipuzkoako hainbat herritara zabalduko da Bilboko egitarau ofiziala amaitu ostean, urtero ohi duen bezala. Uribe Kostari dagokionez, Getxon, Leioan eta Sopelan izango dira emanaldiak, gaur bertan hasita. Kukupraka ludotekan izango da lehenengo hitzordua, Areetan.

Ipuin-kontalari baten saioaren bidez ailegatuko da Zinegoak Jaialdia Uribe Kostara, Aretako eskoletan dagoen Kukupraka ludotekara hain zuzen. Martxoaren 12tik aurrera, berriz, film laburrak emango dituzte Getxoko hainbat aretotan, Kultur Leioako auditoriumean eta Sopelako Kurtzio kultur etxean.

Gure eskualdean dozena bat inguru film labur ikusi ahal izango dira Zinegoaken ekimenari esker, apirilaren 2ra bitartean. Egitarau osoa euren webgunean ikus dezakezue, baita ere HIRUKAren mugikorretarako aplikazioan. Oraindino ez badaukazu, dohainik deskargatzeko aukera daukazu hemen: https://hiruka.eus/uribe-kosta/1533123058546-daborduko-ioserako-dago-hiruka-app-  

Kultura Getxo Leioa Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!