“Klima-aldaketari aurre egiteko” grebara deitu du Greenpeacek

© Elsa Palito / Greenpeace

Gaur, martxoaren 15ean ekingo dio Greenpeacek mundu guztian “egundoko mugimendua” egiteari, klima-aldaketari aurre egiteko asmoz. Uribe Kostan, EHUko Leioako campusean egingo dute elkarretaratzea, 13:00etan, Laboa plazan.

Algortako Eskubeltz Eskaut Taldeak, besteak beste, bat egin du gaurko grebagaz. “Gazteoi ez gaitu inork entzuten, ezta gauzei buruz pentsatzen dugunaren inguruan galdetzen ere”, azaldu digu Guillermo Sabas Eskubeltz taldeko kideak. Haien “ideiak zabaltzeko unea” ere ailegatu dela esan digu: “Karbono-isurketen kopurua asko murriztu behar dugu, eta hori betetzen ez duten enpresei isunak handitu behar zaizkie”. Gainera, energia berriztagarrien erabilera sustatu beharra dagoela azaldu digu Sabasek, gure kontsumoa murriztu eta animalia-espezieak defenda ditzagun.

Greenpeacek azaldu du batez ere gazte aktibistei zuzendutako mugimendua dela gaurkoa. Mundu osoko 1.209 hiritan milioika gazte batuko direla iragarri dute. “Politikariei exijitu behar diegu behingoan klima aldaketaren alorrean esku hartu dezaten”, esan du erakundeak. Bilbon, 18:00etan egingo dute elkarretaratzea, udaletxearen aurrean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun