Zallan jokatu da Bertsolari Gazteen XXVII. Sariketaren hirugarren saioa. Bertako zine-antzokian, eskualdeko zenbait ikastetxetako ikasleen aurrean, Uribe Kosta gailendu zaio Ezkerraldea eta Enkartazioetako taldeari. Honenbestez, eskualdeko ordezkariak Ander Deuna ikastolan egingo den finalerdian egongo dira.
Uribe Kostaren aldetik Peru Irastorzak, Oihan Díazek eta Mikel Arratek jardun dute 18 urtera arteko mailan, eta Naroa Torralbak, Unai Mendiburu eta Paule Loizagak 18tik 24ra bitartekoan. 410 puntu lortu dituzte, eta Ezkerraldea/Enkarterri taldeak berriz, 333,5.
Gaur irabazita, Uribe Kostak zuzenean eskuratu du finalerdietan egoteko txartela. Martxoaren 28an (eguena) jokatuk dute hori, goizeko 09:00etati aurrera, bihar Markina-Xemeinen Lea-Artibaik eta Durangaldeak jokatuko den kanporaketaren irabazleen aurka.
Finala apirilaren 3ean (eguaztena) egingo dute, Bilboko BBK aretoan, 18:00etatik aurrera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
