Bizkaiko Foru Aldundiak, Barrika, Plentzia, Gorliz, Gatika eta Urdulizko udalakaz batera martxan ipini du panpa-lezka espeziea kentzeko programa. Aldundiak esan duenez, biodibertsitate eta paisaian kalteak saihestea da helburua, baita “kolonizazioa galaraztea” ere.
Gaur egun gure lurraldeetara gehien zabaldu den espezie exotiko inbaditzaileetako bat dela dio Aldundiak. Motots bakoitzak milaka hazi ematen ditu, eta haizeak, urak eta ibilgailuek haziak garraiatzen dituzte alde batetik bestera.
Eremu publikoetatik panpa belarra kenduko dutela iragarri dute, eta aholkularitza eskaintzen diote gura duenari. Lursailen jabe diren partikular zein enpresei dei egin die Aldundiak, eta panpa belarra kentzeko jarraibideak ere argitaratu egin dituzte. Informazio gehiago hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
