"Geuk Esan!" ekimena antolatu dute Uribe Kostako zenbait ikastetxek

Ahozko hizkuntza formalak bizitza errealean duen garrantzia eskuratzea helburu antolatu dute Geuk Esan! proiektua Julio Caro Baroja BHIk, Uribe-Kosta BHIk, Mungia BHIk, Aixerrota BHIk eta San Adrian Institutuak. Jardunaldia Romo Kultur Etxean egingo dute maiatzaren 10ean, 11:30ean.

Gaur egungo ikasleek zer egin dezakete bizi garen mundua hobetzeko? galderari erantzunez ekarpenak egingo dituzte DBH laugarren eta Batxillergoko lehenengo mailako ikasleek lau hizkuntzatan: euskaraz, gaztelaniaz, frantsesez eta ingelesez. Horrez gainera, ikasleek interpretatutako hainbat performance antzeztuko dituzte.

"Hau da gure lehen jardunaldia eta ibilbide luze baten hasiera izatea espero dugu", adierazi du Urtza Uranga Uribe-Kosta BHIko irakasleak. Ahozko hizkuntzak ikasgelatan "behar duen papera aldarrikatzeko" balioko duela ere esan digu.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun