Programa horretan 17 eta 23 urte arteko gazteek parte hartu dezakete. Aurreko edizioetan bezala, udalek 100 eta 150 euro arteko diru-laguntza ematen segituko dute azterketa teorikoa egiten duten gazteei. Getxon eta Erandion, gainera, 100 euroko txartelak zozkatuko dituzte gasolina erosteko eta Sopelan 50 euroko laguntza jasoko dute lehenengo proba praktikoa egin ahal izateko, azterketa praktikoa euskaraz egiten baldin badute.
Beste urte batez, gidabaimena euskaraz ateratzeko kanpaina ipini dute martxan Erandion, Getxon eta Sopelan, besteak beste. Lehenengo udalerri bietan abenduaren 24ra arte egin ahal izango dira eskaerak; Sopelan abuztuaren 1etik abenduaren 30era arte egongo da zabalik eskaera epea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun