Barrikako, Gorlizko eta Plentziako kostaldeak garbitzeko saioak antolatu zituen GoazenUp elkarteak ekainaren 7an, 8an eta 9an, hurrenez hurren. Denera, 700 pertsona batu zituzten zeregin horretarako, eta ia hiru tona zabor eta plastiko-hondakin biltzea lortu zuten.
Ozeanoen Munduko Egunaren harira, eskualdeko kostaldea garbitzeko hiru saio antolatu zituen GoazenUp elkarteak. Denera, elkarte horretako 60 boluntario egon ziren dena antolatzen eta jendea laguntzen, Barrikan, Gorlizen eta Plentzian. Sare sozialei esker egindako deialdiari esker, gainera, beste 650 pertsona inguru batu zitzaien zeregin horretara: 125 pertsona Barrikan, 250 pertsona Gorlizen eta 300 pertsona Plentzian, GoazenUp elkarteak jakinarazi duenez. "Orokorrean oso pozik gaude, 700 pertsona hurbildu ziren hiru egunetan zehar; eguraldia aproposa izan ez zen arren, garbiketak aurrera eraman ziren", azaldu dute antolatzaileek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun