Bertsoz betetako aste-akabua antolatu du ALBEk

Erredakzioa 2019ko eka. 18a, 10:06

Algortako Bertsolari Eskola, familia argazkian, artxiboko irudian.

Bertsozaleentzako urteroko zita berezi bat ere heltzear dago: ALBE Eguna. Aurten ekainaren 22an, zapatuan, ospatuko dute Algortan eta Leioan, 11:00etatik aurrera. Aurreko egunean, barikuan, gainera, Balkoitik Balkoira saioa egingo dute Portu Zaharrean.

Egitaraua:

11:00etan Algortako Telletxe plazan: Goizean han elkartu eta Zubilletako jaietara jaitsiko dira paseoan. Bertan, Maider Barañano, Peru Irastorza, Jare Torralba eta Oier Errementeria ibiliko dira kantuan. Ondoren, autobusean Leioara.
15:00etan Leioako Lertutxe jatetxean bazkalduko dute eta Leioan bertan izango dira bazkal-ostea eta 3.denbora (mugarik gabekoa).

ALBE Egunean parte hartu gura dutenek aldez aurretik eman beharko dute izena. Prezioa 20 eurokoa izango da, ikasle eta langabeek, aldiz, 15 euro ordaindu beharko dute.

Kultura Getxo Leioa

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun