Irabazi hidroterapia-zirkuitu bat tokiko komunikabideen gaineko galderei zuzen erantzunez

Zelan du izena Tolosaldeko tokiko telebistak? Nongo toki-komunikabidea da HIRUKA? Zenbat edizio ditu Ttap aldizkari digitalak? Toki-komunikabideak ondo ezagutzeak saria du! Aste honetan, Ttap aldizkaria da Egunean Behin jokoaren babeslea, eta hori dela eta, Ttapi berari zein toki komunikabideei eta Euskal Herriko pertsonaia famatuei buruzko galderak erantzun beharko dira astean zehar.

Egunean Behin Android zein iOS mugikorretarako joko bat da. Egunero-egunero, hamar galderako sorta bati erantzun behar zaio, eta astea amaitzean puntuaziorik altuena duenak saria irabazten du. Puntuazio hori emandako erantzun zuzenen eta erantzuteko behar izandako denboraren araberakoa izaten da.

Aste honetan, saria lagun birentzako hidroterapia-zirkuitua da, udako oporrak lasai-lasai hasteko. Saria Ttap aldizkariak ematen du. Ttap Euskal Herriko eta Kataluniako hainbat hedabideren artean sortutako aldizkari digitala da, gailu mugikorretik irakurri, ikusi, ukitu eta entzuteko pentsatutakoa.

Oraindik ezagutzen ez badituzue, deskargatu oraintxe aplikazio biak eta gozatu! Euskarazko entretenimendu digitalaren erakusgarri bikainak dira biak ere!

Egunean Behin, info gehiago: https://www.codesyntax.com/eu/bloga/egunean-behin

Ttap aldizkaria, deskarga: https://labur.eus/ttap 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun