Irailaren 30era arte egongo da aukera Uribe Kostako Ekogune ikastaroetan izena emateko

Ore ama erabilita artisau-ogia egiten ikasiko ahal izango da ikastaroetako batean. CC-BY MUMUMÍO

Uribe Kostako Mankomunitatearen Iraunkortasun Sailak, urtero legez, Ekogune ikastaroak antolatuko ditu urrian eta azaroan. Urdulizko Gaztelekuan egingo dira saioak, eta irailaren 30era arte dago zabalik izena emateko epea, betiere Mankomunitateko udalen batean erroldatuta daudenentzat.

Zazpi ikastaro eskainiko dituzte, denak doakoak, ortuagaz, ekologiagaz eta kontsumo arduratsuagaz zerikusia dutenak. Hauek izango dira ikastaroak:

  • Hainbat zereal ezagutzea: hazitik hasita, ehoketatik jarraitu, sukaldean dituen aukeretaraino (5 ordu)
  • Zelan egin artisau-ogia ore ama erabiliz (6 ordu)
  • Errezeta dibertigarriak, umeek gustura eta osasungarri jan dezaten (euskaraz, gurasoentzat) (3 ordu)
  • Gastrobioaniztasuna: bertoko barietateak eta tradiziozko erabilerak (6 ordu)
  • Zelan egin etxeko jogurta (euskaraz) (ordu 2)
  • Hemen ez da ezer botatzen! Aprobetxamenduko sukaldaritza (12 ordu)
  • Zelan egin barazki-kontserbak: bete zure jakitokia kalitatezko produktuak erabiliz (12 ordu)

Izena emateko, 94 676 28 72 telefonoz-zenbakira deitu, ikastaroak@uribekosta.eus helbidera idatzi edo Mankomunitatearen egoitzara (Gatzarriñe 4, Larrabasterra, Sopela) joan edo posta arruntez idatzi beharra dago. Eskari-kopurua handiagoa bada plaza-kopurua baino, zozketaz erabakiko da nork egin dezakeen ikastaroa. Urriaren 4an jakinaraziko da parte-hartzaileen zerrenda. Ezinbestekoa da Uribe Kostako Mankomunitateko zazpi udaletako batean erroldatuta egitea: Barrika, Berango, Gorliz, Lemoiz, Plentzia, Sopela edo Urduliz.

Informazio gehiago: http://www.uribekosta.eus/eu-ES/Iraunkortasuna/Orrialdeak/Eko_Cursos.aspx