Emakumezkoen kirolaren inguruan hausnartuko dute eguenean Urdulizen

Emakundek bultzatutako XVI. Berdintasunerako Gunea proiektuagaz bat eginda, emakumezkoen kirolari buruzko jardunaldia egingo dute eguenean, hilaren 10ean, Urdulizen, Emakumezko kirola: gaur egungo egoera eta erronkak izenpean

Uribe Kostako Zerbitzu Mankomunitatearen gazteria sailak Emakundek bultzatutako XVI. Berdintasunerako Gunea ekarriko du eskualdera. Hala, emakumezkoen kirolari eta eskualdeko kirolariei buruzko jardunaldia egingo dute eguenean, urriaren 10ean. Saioa Urdulizko kultur etxeko atrioan izango da, arrastian, 16:00etatik 20:30era.

Besteak beste, hurrengoek parte hartuko dute:

  • Ainhoa Azurmendi, Psikologian doktoratua, emakumezko kirolean gertatutako eragozpen zehatz batzuetan datzan tesiagaz, eta aholkulari pribatua emakumezko kirol arloan.
  • Urdulizko eskubaloi taldea.
  • Peñatxuri surf taldea.
  • Ugeraga kirol Elkartea.
  • Sopelako Kurene pilota Elkartea.
  • Barrikako piragua taldea.
  • Andrea Egozkue (Eskubaloi esukadiko selekzioa).
  • Andere Legina (Emakumezko Athleticeko atezaina).
  • Itzi Ansolena  (2018ko Sokatira urrezko domina Txinan).

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun