Uribe Kostako Emakumeen XI. Topaketa egingo dute Urdulizko Inolaren Emakumeen Etxean, zapatuan, azaroak 23, goizeko 10:00etatik aurrera. Besteak beste, Irantzu Varela militante feminista ezaguna etorriko da berbaldia ematera.
Uribe Kostako Mankomunitateak antolatzen duen topaketaren goiburua Norantz goaz emakume-mugimendu bezala? izango da aurten. Manifestua irakurriko dute lehenik, eta ondoren, 10:30ean, Irantzu Varela Faktoria Lilaren sortzaileak berbaldia eskainiko du: Atzerapausorik ez konkistatuko eskubideekin.
Ostean, lantaldeak antolatuko dira eta ondorioak partekatuko dituzte, itxiera-ekitaldi ofiziala eta familia-argazkia egin aurretik, 13:00ak aldera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
