Kaixo HIRUKAzale! Azken hatsa ematear dago 2019a, eta guk atseden txiki bat emango diogu geure buruari. Ez erabatekoa, beharrean jarraituko dugu eta, baina webgunea behintzat ez dugu berrituko abenduaren 30era arte. Hori bai, gugaz harremanean jarri gura izanez gero, ohiko lekuetan topatuko gaituzu, jai-egunetan izan ezik.
Hilabetekariari dagokionez, urtarrilaren 15ean argitaratuko dugu 2020ko lehenengoa, eta hortik aurrera, otsailetik hasita, hilabeteroko lehenengo edo bigarren eguaztenean kaleratuko dugu zenbaki bat, abuztuan izan ezik.
Gure aldetik, jai-egun hauek eta urte-aldaketa ondo baino hobeto igaro ditzazuela opatzea baino ez zaigu falta. Datorren astean indarberrituta bueltatuko gara, HIRUKAren abentura zoragarrian murgiltzera ostera ere. Gogoratu: prentsa euskaraz, pentsa euskaraz!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
