Forondatik basora

Hilabeteak igaro dira Forondako Arbola babes-GuNe eske hurbildu zitzaigula EAJren zurikeriatik ihesi. Izan ere, klima larrialdiaren aurka Forondako arbola landatu zuen EAJ berbera da erraustegia, Supersurra, AHT, Artatzako tunela, bertoko basoen suntsiketa, Ibarbengoako aparkalekua eta antzeko txikizioak egiten dituena.

Arbolak Forondako (Araba) bakardadetik ihes egitea lortu zuen beste arbola batzuekin elkartu eta bizitza eredu jasangarri baten alde matxinatzeko. Basoa astintzen duen haizea adituz gero, nabari da matxinatutako arbolak zerbait prestatzen dabiltzala.