Uribe Kostako eta Lea-Artibaiko bertsolari gazteak lehiatuko dira bihar, martxoaren 11n, Markina-Xemein Kultur Aretoan, 10:30ean, BBK sariketaren 28. edizioaren barruan. Biharko irabazleek martxoaren 18ko finalaurrekoan parte hartuko dute, Ander Deuna ikastolan.
Martxoaren 3an hasi zen BBK sariketa. Uribe Kostaz gain, Busturialdea, Enkarterri/Ezkerraldea, Arratia, Durangaldea, Uribe Butroe, Hego Uribe eta Lea-Artibaiko bertso-eskoletako ikasleek parte hartzen dute lehiaketan, bi adin-tartetan bananduta, lehenengoa 18 urte edo gutxiago dituzten gazteena eta bigarrena 19-24 urte bitartekoena.
Bihar, martxoaren 11n, Uribe Kostako bertsolariek irabaziz gero Sopelako Ander Deuna Ikastolan lehiatuko lirateke 09:45ean Hego Uriberen kontra, martxoaren 18an finalerako txartela lortu ahal izateko.
Beste finalaurrean, Busturialdea eta Durangaldea lehiatuko dira martxoaren 16an, 10:00etan, Iurretan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
