Etxean geratuko naiz

"Hamlet"

Aste santuko "oporraldi" arraro honetan, zapatu eta domekarako ikus-entzunezko proposamen bikoitza dakarkizuegu berriro ere. Gaurko arratsalderako, Hamlet klasikoaren euskal bertsio modernoa iradokiko dizuegu, Argia-ren multimedia kanaletik hartua. Gozatu!

Hamlet XXI. mendean eta Euskal Herrian. Hamlet, gaur eta hemen. Hamlet antzerkien antzerkia da. Garai bakoitzak bere irakurketa behartzen du. Argiki eta arintasunez, Shakespearek munduaren eromena marrazten du. Obraren ekintza politikan oinarritzen da: gezurra, jukutria, kalkulua, konplota, diru gosea, hitza hitz ala hitza jan.  Baina erabakia ez da ekintza, eta dena ez da justizia noski... hor da auzia. Artedrama, Dejabu eta Le Petit Théâtre de Pain taldeek Shakespearen obra moldatu dute, egungo gizartearen kezka, arazo eta ezaugarriekin.

Zuzendaritza: Ximun Fuchs
Egilea: William Shakespeare
Egokitzapena: Xabier Mendiguren
Antzezleak: Ander Lipus, Ainara Gurrutxaga, Manex Fuchs, Maika Etxekopar, Iñaki Ziarrusta, Miren Tirapu, Urko Redondo

Erlazionatuak

"Zauria(k)"

Uribe Kosta

Aste santuko "oporraldi" arraro honetan, zapatu eta domekarako ikus-entzunezko proposamen bikoitza dakarkizuegu berriro ere. Hasteko, Zauria(k), os...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun