Bizkaiko hondartzainen hautaketa-prozesua zabaldu dute

Gorlizko hondartza, artxiboko irudian.

Udan Bizkaiko hondartzetan hondartzain gisa jarduteko hautatze-prozesua jarri dute martxan. Interesa dutenek datorren maiatzaren 8ra arte eman dezakete izena.

Bizkaiko hondartzetako hondartzain postuak betetzeko interesdunen curriculumak jasotzeko epea zabaldu dute, maiatzaren 8ra arte. Interesa dutenek 18 urtetik gorakoak izan behar dute. Era berean, honako profila bete beharko luke hautagaiak:

  • Giza-gaitasuna (herritarrekin harremanak izateko trebezia).
  • Taldean lan egiteko gaitasuna.
  • Ordutegi malgua eta lekuz aldatzeko aukera izatea.
  • Euskara.
  • Gida baimena.

Era berean, kontutan hartuko dute ingelesaren jakintza-maila eta norbere autoa izatea. Interesatuek hondartzaina@ingure.net helbide elektronikora bidali beharko dute curriculuma.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun