Iaz aspaldiko ekimen bat berreskuratu zuen ALBE bertso-eskolak: urteroko bertso-afaria. Aurten ere egingo dute baina, zer erremedio, internet bidez eta nor bere etxean dagoela. Menuan Jone Uria, Aitor Mendiluze eta jateko zeozer egongo dira. Hitzordua, apirilaren 25ean.
ALBEren Youtube kanalaren bidez egongo da parte hartzeko aukera, 21:00etatik aurrera. Bakoitza bere etxean egon arren, denek menu berdina jatea proposatuko du ALBEk, "jatetxean egotearen ilusioari" eusteko. "Jarri mahaia, prestatu afaria eta jesarri ordenagailu aurrean gurekin saio berezi honetaz gozatzeko!". Jateko zer egongo den ez dute iragarri oraindino, baina bai zein bertsolari gonbidatuko dituzten "mahaira": Jone Uria eta Aitor Mendiluze.
Saioa ikusteko, labur.eus/ALBEafaria helbidera sartu beharko da 21:00ak baino apur bat lehenago. Hortik zuzenean egingo dute lotura ALBEre Youtube kanalagaz. Zalantza dutenek 605 704 385 telefonora deitu edo albegetxo@gmail.com helbidera idatz dezakete.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
