Horren harira, langileek segurtasun-neurri egokiagoak, edukiera kontrolatzeko eta bajak ordezteko langile gehiago kontratatzea, gehiegizko orduak aparteko ordu gisa ordaintzea, gehiegizko esfortzua konpentsatzeko atsedena hartzea eta Lidl-ek iragarritako konpentsazio-ordainsaria egokitzea eskatu dute sindikatuko ordezkariek. Joan den martitzenean, apirilaren 28an, enpresagaz egindako bileran enpresak adierazi zuen adierazitako eremu guztietan neurriak hartzeko prest zegoela, "konpentsazio-ordainsaria izan ezik", euskal sindikatuak azaldu duenez. "Argi dago elikadura-enpresak onura handiak lortzen ari direla alarma-egoera horretan".
"Lidlek ez du arrazoi ekonomikorik alegatu konpentsazio handiagoa ez ordaintzeko"
ELAk dioenez, Lidl enpresak 160 euroko ordainsaria ematen die langileek "arriskua konpentsatzeko". Dena dela, kopuru hori sektoreko beste enpresa batzuetan aitortzen dena baino "askoz ere gutxiago" dela deitoratu dute. "Lidlek ez du arrazoi ekonomikorik alegatu konpentsazio handiagoa ez ordaintzeko. Lanuzteak onartu egiten dituztela eta barne-politikako arrazoiek hemen estatu mailan onartutakoaz bestelako osagarri bat aitortzea eragozten diotela besterik ez du adierazten, non gauza bera aldarrikatzen ez duten beste gehiengo sindikal batzuk dauden".
Sektoreko langileek "aitorpen publiko edo limosnetatik haratago" doan aintzatespena eskatzen dute: "Sektoreko enpresak krisi honetan langileek hartutako konpromisoaz eta gehiegizko ahaleginaz baliatzen dira, eta onura horiek horiek sortzen dituztenengan, langileengan, eragin behar dute". Hori dela eta, ELAk mobilizazioakaz jarraituko duela iragarri du, "Lidlek kolektiboari bidezko ordaina eman arte".