Uribe Kostako Mankomunitateko Euskara Zerbitzuak, urtero legez, Euskaraz Olgetan programa ipiniko du abian astelehenean, maiatzaren 11n. Oraingo egoera berezia dela eta, programa birtuala izango da, eta webgune bat sortu dute horretarako. Helburua ez da aldatu ordea: umeak eta gurasoak elkarregaz euskaraz jolastea.
Hain zuzen ere, www.euskarazolgetan.eus webgunera jo beharko dute parte hartu gura dutenek. Bertan astero eskainiko diren ekintzak (tailerrak, eskulanak, karaokeak, ipuinak...) eskegiko dira, Mankomunitateak azaldu duenez. Maiatzean, ekainean, irailean eta urrian egongo da programa martxan, betiko legez familietan euskararen erabilera sustatzeko asmoz.
Momentuz maiatzeko egitaraua jakinarazi dute, honako hau:
- Maiatzaren 11tik 17ra: Natura Ikertu + Yoga
- Maiatzaren 18tik 24ra: Zigiluak sortzea + Patata Tropikala (antzerkia)
- Maiatzaren 25etik 31ra: Gaileta glaseatuak + Maite Franko (ipuin-kontalaria)
Bideo bakoitza astebetez izango dute webgunean ikusbide.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
