Etxean geratuko naiz

"Erroa eta geroa"

Kaixo HIRUKAzale! Deskonfinamendua hasiko den honetan, azkenekoz gatoz aste-akaburako ikus-entzunezkoak proposatzen. Gaur, zapatuan, emakume baserritarren bizimoduaren gaineko Erroa eta geroa dokumentala dakargu.    

Erroa eta geroa

Zer diote emakume baserritarrek? Non daude? Ezagutzen ditugu euren bizipenak, kezkak, iritziak...? Dokumentalak Euskal Herriko leku oso desberdinetako emakume baserritarren ahotsak jaso ditu. Gazteenak 30 urte bueltan dabiltza, nagusienak 90etik gora. Nekazaritza lanak lehen eta orain, generoaren araberako lan banaketa, kontsumo ohiturak,ekoizpen ereduak, nekazaritzaren transmisioaren etena, emakume baserritarren eskubideak, errenta duina izateko borroka, erreleboa... Hainbat bizipen eta korapilo, hainbat kezka eta galdera, emakume baserritarren ahotik, erroa jasoz eta geroa irudikatu nahirik.

Elkarren zaintzaren eta lur planetaren zaintza beharra inoiz baino ageriago geratu zaizkigu pandemia garaiotan. Lurrari lotutako eta hurbileko nekazaritza eta abeltzaintza iraunkorra landu izan dutenedota lantzen duten emakumeak dira, hain zuzen ere, dokumental honetako protagonistak. Jarduera honek etena eta agroindustriaren erasoeta akaparamendu bortitza jasan ditu. Eta, hala ere, emakumeei esker iraun du eta bizitzari eutsi diote.

Dokumental honen grabaketak 2018ko udan egin genituen; lana bera 2019ko udazkenean amaitu genuen eta hainbat herri eta auzotan aurkezten hasi ginen.

Iraupena: 30 minutu.
Proiektuaren ideia, elkarrizketak eta gidoia: Baserritik Mundura ikastaldiko Sorginatxurrak lantaldeko kideak (Vane Calvo, Nadia Ayuso, Zuriñe Perales, Ane Gorosabel, Mirene Begiristain eta Maribi Ugarteburu).
Dokumentalaren errealizazioa eta muntaia: Itziar Bastarrika eta Ainhoa Olaso.
Musika: Ines Osinaga eta Lorea Argarate.
Animazioak: Susana Martin Somoza (Prinsoup)
Babeslea: Bizkaiko Foru Aldundia

Erlazionatuak

"Elkarrekin-Together"

Uribe Kosta

Kaixo! Hemen dator zapaturako egingo dizuegun proposamena: Elkarrekin-Together, euskal arkeologo talde batek AEBko urrutiko uharte batera egindako ...
"Txan fantasma"

Uribe Kosta

Aste-akabu honetako ikus-entzunezko proposamena umeentzako lan bategaz biribilduko dugu: Txan fantasma antzezlana, Mariasun Landaren ipuinean oinar...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun