Bizkaiko hondartzak ekainean ireki nahi dituztela esan du Rementeriak

© SOPELAKO UDALA

"Eremu kontrolatuak" izango dira, baina diputatu nagusiak nabarmendu du argibideak garaiz eman beharko dituztela, ez lekuan bertan.

Unai Rementeria Bizkaiko diputatu nagusiak adierazi du "ekainaren 15aren eta uztailaren 1aren artean" ireki nahi dituztela Bizkaiko hondartzak herritarrentzat. Horretarako, osasun eta segurtasun neurriak hartuko dituzte, eta protokolo bat ezarriko dute hondartza bakoitzerako: "Eremu kontrolatu bat izango dira", esan du Euskadi Irratiko Faktoria saioan egin dioten elkarrizketan. "Ezin dira kontrola ezin daitezkeen neurriak ezarri, ordea; herritarrei bizitza erraztu behar diegu".

Rementeriak azaldu du oraindik ez dutela erabaki zehatzik hartu irekieraren inguruan, baina, haren ustean, ezinbestekoa izango dela garbitasunerako zenbait neurri ezartzea eta seinaleak jartzea, besteak beste. "Oinarrizko arau batzuk" beharko dira. Iruditzen zaio, esaterako, ezingo dela kirolik egin hondarretan.

Nabarmendu du herritarrei informazio egokia eman beharko dietela hondartzetara joan aurretik, eta garaiz. Ez du irudikatzen jendea zain egon litekeenik hondartza kanpoan, lekuren bat libre noiz geratuko zain. Hipotesi bat: "Nik buruan daukat aurretik esatea hori. Demagun marea igotzen denean hondartza bat oso txikia dela. Orduan, jendeari esan beharko diogu hondartza hori itxi egin behar dela, baina hori aurretik jakin behar lukete, ez unean bertan".

Berria-tik hartu dugu artikulu hau, Creative Commons-en CC BY SA lizentzia baliatuta. Ikusi hemen jatorrizko artikulua.

Erlazionatuak

COVID-19: arrisku txikia hondartza, igerileku eta ibaietan

Uribe Kosta

Oraindik ikerketa gutxi egin badira ere SARS-CoV-2 birusak ur-eremuetan duen transmisioari buruz, ingurune horietan aisialdiko jarduerak egiteak iz...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun