COVID-19ak eragindako egoeraren ondorioz zerbitzua eten egin behar izan zen eta, horren ondorioz, martxoaren 17tik lurraldeko 9 garbigune nagusiak baino ez dira irekita egon. Gaurtik aurrera, Bizkaian zehar kokatuta dauden mota horretako 23 instalazioetan jarduera lehengoratuko da. Horrela, Foru Aldundiak Garbiguneen sare osoa irekiko du astelehenetik barikura, 09:00etatik 13:25etara eta 15:30etatik 18:00etara.
Koronabirusak eragindako krisiaren ondorioz ezarritako murrizketak direla eta, martxoaren 17an 9 garbigune nagusiak (Barakaldo, Basauri, Durango, Erandio, Gernika-Lumo, Getxo, Gueñes, Igorre eta Markina) baino ez dira martxan mantendu, gremioek obretako hondakinak bertan uzten jarraitu ahal izateko. Alarma-egoerak ezarritako murrizketak malgutzeak aukera ematen du une honetan herritarren eskariari erantzuteko eta instalazio horiek berriro irekitzeko; hori erabiltzaileen eta bertan lan egiten duten langileen osasuna bermatzeko beharrezkoak diren segurtasun-neurri guztiak aplikatuta egingo da.
Hasiera batean, garbiguneen sarea astelehenetik barikura egongo da martxan, baina ekainaren erdialderako aurreikusita dago asteburuetan ere berriro zabaltzea (garbigune nagusiek zapatu eta domeketan funtzionatzen dute; gainerakoek zapatuetan soilik).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
