Mascarillas Solidarias por Euskadi plataformako kide diren Urdulizko emakume-talde batek umeentzako maskara garbigarri eta berrerabilgarriak egin ditu, makinaz josita, eta maiatzaren 22, 23 eta 24an banatuko dituzte, Sopelako Udaletxeko sarreran, herri horretako haurren artean.
Sopelan erroldatutako umeek hartu ahal izango dituzte maskarak. Adinaren arabera, hainbat tamainatakoak egin dituzte; hala, 2-4 urte bitarteko umeentzat, 5-8 urte bitartekoentzat eta 9-14koentzat daude aukeran. Banaketa-ordutegia 17:00etatik 20:00etara izango da aipatutako hiru egunetan.
Maskarak hartzen dituztenei dohaintza bat eskatuko diete: material gehiago erosteko diru-ekarpena, elikagai iraunkorrak edo garbiketarako materiala. "Emandako guztia boluntariotzara joango da ", azaldu du Sopelako Udalak.
Maskarak jaso ahal izateko familia-liburua eta guraso baten NANa aurkeztu beharko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
