AEK-k ireki du 2020-2021 ikasturteko aurrematrikula egiteko epea, www.aek.eus/aurrematrikula/ web orrian. Izen-ematea sarean egiteko aukeraz gain, covid-19ak eragindako "konfinamendutik ateratzeko prozesuaren bilakaera ikusita", ekainaren 1etik aurrera, AEK-k aurrematrikulak euskaltegian bertan egiteko epealdia zabalduko du.
Alfabetatze eta euskalduntze erakundeak prentsa ohar bidez jakinarazi duenez, aurrematrikula uztailaren 8a baino lehen egiten dutenek onura batzuk izango dituzte: %5eko deskontua datorren ikasturteko matrikularen prezioan; ordainketa malguagoa, epe bat gehituta ohiko ordainketa epeei; lehentasuna taldeak eratzeko orduan.
Modu honetan, AEK-k euskara ikastaroak eskainiko ditu beste behin Euskal Herri osoan zehar dituen 100 euskaltegi baino gehiagotan. Aurrematrikula www.aek.eus/aurrematrikula/ web orrian egin daiteke, eta informazioa jasotzeko aukera dago AEKren edozein euskaltegitan eta 673 200 100 eta 946 464 000 telefono zenbakietan.