Haur eskoletan izena emateko epea, ekainaren 8ra arte zabalik

Maiatzaren 21etik dago zabalik Haurreskolen Partzuergoko zentroetarako eskariak online entregatzeko epea. Ekainaren 1etik egongo da eskaerak aurrez aurre egiteko aukera ere. Kasu bietan, ekainaren 8ra arte egin ahal izango dira eskabideak.

Aurten eta iaz jaiotako umeen gurasoek eska dezakete lekua Jaurlaritzaren menpeko haur- eskolen sareko zentroetan. Hauxe da, zehazki, prozedura osoaren egutegia:

  • Eskariak online entregatzea: maiatzaren 21etik ekainaren 8ra (https://ikasgunea.euskadi.eus)
  • Eskariak aurrez-aurre entregatzea: ekainaren 1etik 8ra
  • Behin-behineko zerrendak argitaratzea: ekainaren 30a
  • Erreklamazio eta subsanazio epea: uztailaren 1etik 14ra
  • Eskaerari uko egitea: uztailaren 14rarte
  • Behin betiko zerrendak argitaratzea: uztailaren 28an
  • Umeak haur-eskolan hasteko data: irailaren 4a (COVID-19a dela eta atzeratu daiteke)

Bestalde, ekainaren 8tik aurrera jaiotakoek jaiotza-datatik hilabete bat bete arteko epean aurkeztu ahal izango dute izen-ematea haur-eskolan, eta behin-behineko edota behin betiko zerrendetara gehituko dira. Jaio berri horien izen ematea gauzatu ondoren, ezin izango dute dokumentazio berririk aurkeztu.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun