Lehen, arruntak izan ohi ziren,
zapatu eta domeketan,
ahaide eta lagun arteko
topaketak terrazetan:
zertxobait edan, pintxoren bat jan,
denok hasita berbetan...
Euskaldunok ez dugu askorik
behar gure bizitzetan:
jende maitea gertu izanda,
gu pozik gaude, benetan!
Pandemia egun lazgarriotan,
zenbat ez dugun sufritu...
Egun, aste, hil mordo batean
etxetik ezin mugitu;
tabernak ere itxialdiak
erdi hilda laga ditu.
Orain bigarren fasearekin,
jendea ezin gelditu:
terrazak berriz beteta; birus
horrek ez gaitu garaitu!
Berrogeialdi luze hau laster
amaituko da, seguru.
COVID birusa etorri aurreko
bizitza bueltan hor dugu.
Bidean, baina, asko galdu da:
bi mila lagun inguru;
diru-arazo askori ere
egin behar zaie buru...
Baina terrazak atzera ere
egongo dira mukuru!