Igerilekuetako okupazio-mailak kontrolatzeko eta horien berri erabiltzaileei emateko aplikazioa sortu du BiscayTIK Fundazioak: AurreTIK. Tresna hori Bizkaiko udal denen eskura egongo da COVID-19ari aurre egiteko ezarritako higiene- eta gizarte-distantziako neurriak betetzea errazteko. Aplikazioak igerilekuen edukiera ehunekotan neurtuko du, kameren bidez ikuspen artifizialeko teknologian oinarrituta pertsonak zenbatzeko sistema berritzaile bat erabilita. Hala, erabiltzaileek igerilekuen okupazio-maila zuzen-zuzenean ezagutzeko aukera izango dute.
AurreTIK aplikazioak igerilekuen edukiera automatikoki kontrolatzeko aukera emango du, kameren bidez ikuspen artifizialeko teknologian oinarrituta pertsonak zenbatzeko sistema berritzaile bat erabiliz. Era berean, okupazio-maila ezagutzeko aukera emango du, zenbait igerilekutan dauden sarrerako eta irteerako tornuekin lotura bat eginez. Behin zerbitzua instalatuta, BiscayTIKek udako denboraldian sistemaren funtzionamendua bermatzeko beharrezko euskarri teknikoa eskainiko du.
Orozko izango da irtenbide hori pilotatuko duen lehen udalerria datorren ekainaren 22tik aurrera. Hurrengoak Ugao, Gordexola, Abanto-Zierbena eta Otxandio izango dira udal igerilekuen denboraldia zabaltzen dutenean. Aplikazioa udal guztietara zabalduko da, hala eskatzen badute.
Interesa duten erabiltzaileek, bestalde, online eskuratu ahal izango dute udako udal-igerilekura joateko edo ez joateko behar duten informazioa, Udala Zabaltzen app-ean eta/edo dagokion udalaren webgunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
