Edukiontziak erretzeagatik hiru pertsona identifikatu dituzte Leioan

Erretako edukiontzietako bat. © LEIOAKO UDALA

El Correo egunkariak argitaratu duenez, poliziak Erandioko hiru gazte identifikatu ditu zapatu goizaldean edukiontziak erretzegatik Leioako hainbat auzotan. Deklaratzera joan beharko dute orain, ikertu modura. 

Udondon, Txorierrin eta Iturriondo kalean erre ziren edukiontziak, lehenengoa gauerdi inguruan, bigarrena ordu erdi geroago eta hirugarrena 02:00ak aldera. Bigarrena erre ostean hasi zen Udaltzaingoa ikertzen, lehengoa istripu hutsa izan ez zitekeelakoan, eta Ertzaintzari jakinarazi zion jazotakoa.

Hirugarren edukiontzia erre zenean, abisua eman zuen bizilagunak ustezko egileek alde egin zuten autoa deskribatu zuen, eta aztarna horri segituta Erandioko hiru gazte topatu zituzten handi gutxira, artean kotxe barruan zeudela, diskoteka baten aurrean aparkatuta. Identifikatu egin zituzten, eta deklaratzera joateko zain daude orain.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun