COVID-19aren pandemiak eragindako krisiaren ondorioz sortu diren beharrak asetzeko plataforma da Ari Du. Azaldu dutenez, Gorliz, Lemoiz eta Plentzia udalerrietan jazo diren egoera latzei erantzuna emateko beharra ikusi du taldeak. Ekainaren 25ean taldearen aurkezpen publikoa egingo dute; lekua eta ordua oraindino ez dute zehaztu.
Talde berriak sare sozialetan zabaldutako oharraren bitartez azaldu duenez, gaur egun existitzen ez diren edo erakundeak heltzen ez diren hainbat eremutan bide berriak sortzeko asmoz eratu dute plataforma. Elkarrekiko laguntzan sakonduz, COVID-19aren krisiaren ondorioak arintzen lagunduz, daborduko martxan dauden beste ekimen batzuekin batera, eta udalek eta mankomunitatea sustatutako ekimenakaz batera egingo dute lan. "Pertsonen bizitza erdigunean kokatuko duen eredu sozioekonomiko baten alde egingo dugu, elkarren arteko eta taldeko zaintzan sakontzeko", gaineratu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun