Euskal presoen eta iheslarien aldeko martxa egingo dute domekan

Artxiboko irudia.

Urteroko ohiturari jarraituz, euskal preso, iheslari eta deportatu politikoen eskubideen aldeko mobilizazioa egingo dute domeka honetan, abuztuaren 16an, Plentzian. Martxa eguerdiko 12:30ean hasiko da Plentziako metro geltokiaren aurrean dagoen zubi zurian, senideak omendu ondoren.

Euskal preso, iheslari eta deportatu politikoen eskubideen aldeko mobilizazioa egingo dute domekan, hilaren 16an, Plentzian. Antolatzaileek azaldu dutenez, eguerdiko 12:30ean jarri dute lehenengo hitzordua, metro geltokiaren aurreko zubi zurian; bertan egingo dute senideen aldeko ekitaldia. Ondoren, preso bakoitzeko lore bana uretara bota eta martxa abiaraziko dute itsasadarreko paseotik Gorlizeko hondartzaraino.

Aurten bizi dugun osasun-larrialdia dela eta, antolatzaileek "elkar zaintzeko" deia egin dute, distantziak gordeta eta ezarritako neurriak betez. "Arrazoi berberagatik, aurten martxa bukatzean gaztetxea ez irekitzea eta herri bazkaririk ez egitea erabaki dugu", iragarri dute antolatzaileek. 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun