Bizkaiko Bertsolari Txapelketa atzeratu egingo dute

Bizkaiko Bertsolari Txapelketa, artxiboko irudian.

COVID-19ak eragindako egoera dela eta, Bizkaiko Bertsozale Elkarteak erabaki du Bizkaiko Bertsolari Txapelketa atzeratzea, printzipioz, datorren urtera arte. Izan ere, txapelketa horrek eragin handia du parte hartzaileengan eta aurten, koronabirusa dela eta, bertsolarien artean berdintasuna bermatzea zaila izango dela ondorioztatu dute arduradunek.

Udabarria Bertsotan amaitu da eta Bizkaiko Bertsolari Txapelketan kantatuko duten bertsolarien zerrenda erabaki da. Hala ere, zalantza eta bilera askoren ostean, COVID-19ak eragindako egoera dela eta, Bizkaiko Bertsolari Txapelketa datorren urtera arte atzeratzea erabaki du Bizkaiko Bertsozale Elkarteak.

Arduradunek azaldu dutenez, txapelketak parte hartzaileengan duen eragina handia da, euren ikusgarritasuna plaza horrek ematen du eta hurrengo urteetarako plazak eskaintzen dizkie. "Urte berezia da, eta zaila da aukera berdintasuna bermatzea egoera honetan. Batetik, saioen ezaugarriak pandemiaren bilakaeraren arabera alda daitezke eta, bestetik, sailkapen izaera duenez, saio batetan parte hartu ahal ez izateak, Txapelketa osoa galtzea eragingo luke", azpimarratu dute. Dena dela, Txapelketa hori egiteko baldintzak egon ez arren, bestelako saio mota asko antola daitezkeela adierazi dute, denon osasuna bermatuta: "Kultura segurua dela berretsi nahi dugu eta guztiok seguru egonda egiteko moduko saioak antolatu daitezkeela uste dugu. Horregatik, udazken honetarako bertso saioen zirkuitoxo bat antolatzen ari gara. Kulturak merezi duelako eta bertsozaleek ere bai. Aurrerago emango ditugu horri buruzko xehetasunak".

Erlazionatuak

Eneko Aldana, Iruri Altzerreka, Gorka Pagonabarraga eta Mikel Retolaza dira Udabarria Bertsotan faseko azkenengo saioetako irabazleak

Uribe Kosta

Atzo amaitu zen Udabarria Bertsotan Bizkaiko Bertsolari Txapelketarako sailkapen fasea; hala, daborduko osatuta gelditu da txapelketa nagusian part...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun