Koronabirusaren gakoak

COVID-19 iraunkorra

Gaurtik aurrera, HIRUKAk martitzenero jasoko du Elhuyarrek Euskal Telebistaren Teknopolis saioan egiten duen bideoa. Koronabirusaren gakoak du izena atalak, eta Ana Galarragak aurkeztuko du. "COVID-19a gaixotasun berria denez, alderdi asko oraindik ezezagunak dira edo denborarekin doaz ikusten eta ikasten", azaldu du Galarragak. Oraingoan, birusaren iraunkortasuna izan du hizpide, zenbait gaixok denbora luze bat igarota ere sintomak dituztelako. Herbehereetako ikerketa bateko datuakaz argudiatu du birusaren iraunkortasuna Galarragak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun