Korrika ez da 2021ean egingo

Datorren urtean egitekoa zen Korrikaren 22. edizioa; hala ere, COVID-19aren pandemia dela eta, 2022ra atzeratu egingo dutela jakinarazi du gaur AEK-k. Asier Amondo arduradunak eta Alizia Iribarren koordinatzaile nagusiak eman dute albistearen berri Donostiako San Telmo museoan eta, azaldu dutenez, euskaldunen eta korrikazaleen segurtasuna eta osasuna bermatzeko hartu dute erabakia.

2022ko Korrikara heldu aurretik egoera berrira egokituko diren hainbat ekintza egitea posible izan daitekeela iragarri dute, baina ez ohiko formatuan. Bitartean, Euskaraldiaren bigarren edizioan parte hartzeko deia egin dute: "Euskal Herriaren euskalduntzea da helburu nagusia".

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun