Baina errealitatea beste bat da, osasun instituzioak oraindik bizirik dirauen biolentzia ezartzen du gure gain. Genitalitate hertsi batean sartzen gaitu jaio eta berehala, eta genero bat inposatzen digu genitalitate horretan oinarriturik. Inposizio horretatik ihes egiten dutenek, inposatutako generoari uko egiten dietenek, osasun instituzioen eta gizarte osoaren errepresioa jasotzen dute ordainetan. Zientziaren izenean osasun prozesu amaigabe eta transfoboetara kondenatuz, lantegi eta kaleetan bazterkeria betikotuz.
Larrialdi egoeran daude gure biziak, instituzioek erantzun bat zor digute, aurpegi arbiketarako politikak alde batera utzi eta gure errealitate materialean eragin zuzena duten baliabideen beharra dugu.
Baina ez gara instituzioen zain egongo, gure borroka kalean da, transfobiari aurpegira begiratu eta erantzun zuzena emango diogu. Eta bai, edozein jarrera TERF ere transfoboa da, eta beraz, ez da feminista. Hor egongo gara eraso horiei ere erantzuna emateko, gure kide transei erresistentziarako eta borrokarako espazio seguruak sortzeko. Uribe Kostan ere erresistentzia gara, batu gure borrokara, batu borroka transfeministara, gure gorputzak ere aske nahi ditugulako.
Guk argi daukagu:
GORPUTZ OKER BAKARRA, GORPUTZ POLIZIALA!
GORA BORROKA TRANSFEMINISTA!