Uribe Kostako bertso-sarea osatzen hasiko dira azaroaren 2an, astelehenean. Ekimen horregaz euskararen erabilera sustatu gura dute, "gure arbasoek egiten zuten antzera", antolatzaileek azaldu dutenez. Hala, Euskaraldia hasi baino apur bat lehenago, beroketa lanak egin gura dituzte saio horiekaz Barrika, Gorliz, Lemoiz, Plentzia, Sopela eta Urdulizen.
Bertso-sarea osatu ahal izateko, lehenengo eta behin, hasierako puntua asmatu beharko dute; ondoren, puntua grabatu eta, amaitzeko, bertso-erronka bidaliko dio norberak gura duen lagunari. Ostean, bertso osoa bueltan etorri beharko zaio hasitakoari, eta Uribe Kostako Euskaraldiko kideei bidali beharko diete hurrengo helbideetara:
Bideoak jaso ahala, facebook eta instagramen argitaratuko dituzte antolatzaileek denek ikusgai izan ditzaten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
