Umeentzako Inguru Minguru tailerrak, urtarrilaren 4ra arte

Hasi dira dagoeneko Uribe Kostako Mankomunitateko Ekogune zerbitzuak antolatutako Inguru Minguru umeentzako bideo-tailerrak. Txikienei ingurumena errespetatzen irakastea da helburu nagusia

"Baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantzia azaltzea eta birziklatzea eta berrerabiltzea bultzatzea" lortu gura dute Inguru Minguru proiektuaren bitartez, Uribe Kostako Mankomunitatearen esanetan. 

Azaro eta abenduko tailerrak joan den astean hasi ziren, eta urtarrilaren 4ra arte egongo dira sarean eskuragarri. Hau da egitarau zehatza:

  • Automatak: azaroak 2 - 16
  • Esku bionikoa: azaroak 9 - 23
  • Bizitza plastikoa: azaroak 16 - 30
  • Lanpara bat egiteko tailerra: azaroak 23 - abenduak 7
  • Air hockey: azaroak 30 - abenduak 14
  • Birziklatutako panpinak: abenduak 7 - 21
  • Kartoizko diru-zorroak: abenduak 14 - 28
  • Errege-erroska: abenduak 21 - urtarrilak 4

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun