Uribitakora

Swimming Port

Kaixo! HIRUKAren papereko edizioaren ohiko irakurlea bazara, seguruenik ondo baino hobeto ezagutzen duzu Uribitakora atala. Guk argazki bat bidaltzen diegu ALBEko lagunei, eta haiek bertsoz erantzuten dute. Hemendik aurrera webgunean ere ikusi ahal izango dituzue irudiok eta bertsook, baina ez hori bakarrik; entzun ere, entzuteko aukera izango duzue. 

Doinua: Zorionak Lide, hamar urtetxo, ta Hodeik goiz bederatzi

Bizitza arina eta estresantea
eguna dugu gogorra
hobe bagina itsu ta mutu
"insensible" eta gorra
horrela soilik disfrutatzeko 
aisialdiko altxorra
baina dirudi gainean dugula
kendu ezineko zorra
menderatzen gaituzten bi tresna
erlojua ta mugikorra.

Azken boladan kirol bat modan
jarri dela da nabari
marea, olatu, korronte, haize
ta hainbat konturi adi 
Atxurra ta Ander Gorliz ta Ereagan
hortan daude ari ta ari
baina "Lurrera" ailegatu eta
galduta sari eta opari
lasaitasunean murgildu zaitez
ta egin so naturari.

Batzutan gaude noraezean
eta iparra galduta
energia ta indar guztia
ezin da horrela buka
arin ta ondo usoak hegan
Sotera ta Algorta aupa
euskarriak ta heltzeko tresnak
ezin daitezke ezkuta
itsasoan uso izateko
hartu atzeko txalupa.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun