Txakurrak lapurtzen ari direla gezurtatu du poliziak

Sare sozialetan zabaldu den bulo batek ohartarazten zuen Getxo eta Sopela inguruan txakur-borroka ilegal baterako animaliak lapurtzen ari zirela; hala ere, poliziak gertakariok gezurtatu egin ditu, baita txakur-jabeei lasai egoteko deia egin ere.

Albiste honen jatorria sare sozialetan zabaldu den argitalpen batean dago. Horren arabera, pertsona batek ohartarazten zuen ezezagunek bere txakurra hondartzan lapurtzen saiatu zirela, udaltzaingoak horren berri zuela gaineratuz. Argitalpenean azaltzen zenez, furgoneta zuri bat gidatzen zuen hirukote bat zebilen Getxo eta Sopela inguruan txakurrak lapurtu guran. Mezuak zioenez, heltze-txakurrak ari ziren bilatzen, ustez Artxandan egingo zen txakur-auska edo borroka baterako.

El Correo egunkariak gaur zabaldu duenez, baina, Getxo, Sopela eta Bilboko udaltzaingoek informazioa ezeztatu dute, eta azaldu dute ez dutela inolako salaketarik jaso; ez lapurretarik ezta txakur-auskarik ere ez. Hala ere, horrelakorik geratu den ikertzen jarraituko dutela adierazi dute.

Erlazionatuak

"Fake news": gezurraren kultura berria

Uribe Kosta

Interneten sorreraren eta teknologia berrien gorakadaren ondorioz, fake news ek eta eduki faltsuek gora egin dute mundu osoan. Desinformazioaren zu...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun