Bizkaiko beira jaso eta birziklatzeaz arduratzen den Enviser-Ecovidrio enpresako langileek amaitutzat eman dute joan den azaroan abiatutako greba mugagabea, enpresaren zuzendaritzagaz akordioa lortu ondoren. Beharginen aldarrikapenen artean zegoen Gipuzkoan lan berdina egiten dutenakaz parekatzea, eta horixe izan da sinatutako hitzarmenak jasotzen duen lorpenetako bat, LAB sindikatuak jakinarazi duenez.
Hilabete biko greba mugagabe baten ondoren, zuzendaritzagaz akordioa sinatu dute Enviser-Ecovidrio enpresako Bizkaiko langileek. Denbora tarte horretan, beharginek "baldintza duinak" jasotzeko lan-hitzarmena eskatzen zuten, baita espainiar Estatuko hitzarmena alde batera uztea ere, "816 euroko soldata eta nahierako jardunaldiak" alboratzeko.
Hala, negoziazioen ondorioz lortutako akordio nagusiak hauexek dira: hiru urteko indarraldia izango duen hitzarmena, subrogazioa, lanaldien kontsolidazioa % 100ean 90 egunetan eta Gipuzkoako soldatekiko parekatzea 2 eta 3 urtetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
