…eta garagardo berria elkarlanean!

"Black is Beltza"ren bigarren zatia…

Duela urte bi bezala, Black is Beltza filmaren estreinaldia zela eta, Boga garagardo kooperatibak "Black is Beltza 2 - Ainhoa" berria kaleratuko du proiektuaren martxan-jartzea ospatzeko asmoz.

Hastapeneko elkarlana "arrazakeriaren aurkako aldarrikapen zaporetsu" gisa aurkeztu zen, eta, oraingoan, gainera, Ainhoa filmaren protagonistaren irudi bategaz apainduta dator.

Garagardo beltza da, indartsua; postre gozo edo pastelakaz primeran ezkontzen dena. Pastry Stout estilokoa, hurra, haba tonka zein Basque moonshiner vodkagaz ekoiztutakoa.

Aste-akabu honetan bertan egongo da salgai Boga garagardo kooperatibaren online dendan, eta, datorren astetik aurrera, Euskal Herriko, Kataluniako edo Madrilgo taberna zein jatetxeetan ere ikusi ahal izango da. Zeren zain zaude berau probatzeko?

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun