Egunotako euriteek luiziak eragin dituzte eskualdeko hainbat txokotan

Joan den aste-akabuan gure kostaldea kolpatu zuen Bella izeneko ekaitzak eurite bortitzak eragin ditu hainbat egunez. Horren ondorioz, eskualdeko hainbat tokitako mendi-magalak behera etorri dira egunotan. Adibide gisa dugu Armintzako portuaren ondoko mendiko luizia, sare sozialetan bolo-bolo dabilen bideo honetan ikus daitekeenez.

Zapatuan, hilaren 2an, Gorizko itsasargira doan Astondoko bidea itxi behar izan zuen Ertzaintzak behin-behinean, bertan jazo den lur-jausi baten ondorioz. Aste-akabuan ere Barrika eta Plentzia arteko Ardantza inguruko errepidean ibilgailuen joan-etorria zuzentzeko semaforoa jarri behar izan dute luizi baten ondorioz.

Azkenik, Armintzako portuaren ondoko mendi-magala behera etorri da; inguruko auzokideek gau eta egunez entzun ahal izan dituzte egunotan lur-jausiak eragindako zarata bortitzak. Lekukoek diotenez, oraindino lur eta harri zatiak erortzen ari dira inguru horretan.

Erlazionatuak

Gorlizko itsasargirako bidea, itxita

Gorliz

Azken egunotako euri-zaparraden ondorioz, luizi bat eragin dute Gorlizko itsasargira doan bidean. Adituek diotenez, ingurua ezegonkor dago, eta err...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun