Birus itxurako lanpara biraka zebilen zoro-zoro, distira itsugarriak noranahi barreiatuz. Eta okerrena, Fermaten gelako hormak mugitzen ari ziren, gelaren barrunbea estutzen. Ni nentzan oheak ere dar-dar egiten zuen nabarmen. Laster hasi ziren gelako altzari eta edergailuak erortzen eta suntsitzen, bai eta dolare geldiezin haren erdirantz batzen ere, zarata gorgarriak eraginez. Paretan erdi zintzilik lotzen zen azken margolaneko paisaiari benetako euria zerion, kaos haren larrigarri. Orduan nire begiek espantuz ikusi zuten zelan amiltzen zen zutik zirauen apal bakarreko azken liburua anabasa zentripeturantz. Jauzi egin nuen ohetik, barne indar batek bultzatuta, eta liburuari airean oratu nion. Bizkarrez jausi nintzen talo informe erraldoiaren erdian, ur zipriztinek aurpegia bustitzen zidatela, eta errediza birrinketaren harrabotsak belarriak zulatzen zizkidala. Orduan liburua ireki nuen, eta haren orrien artean desagertu nintzen, enparedadore eroaren muturraren aurrean.
Giroa itogarria zen lau horma haien artean. Esgrimalari batzuk ezpata hotsean ari ziren hil ala biziko borrokan. "Txertoa" irakur zitekeen euren floreteen ahoetan. Disneyren ahate ezagunak (Scrooge McDuck-ek) pistola kargatua zerabilen airean mehatxuka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun